Ավստրալիայից տղամարդը դատական հայց է ներկայացրել իր գործընկերների դեմ, ովքեր աշխատավայրում կատակել են իր մասին, գրել է Unilad-ը։ Նա նրանց արարքը վիրավորական է համարել։
Իլյաս Էլհարազը Մարոկկոյից Ավստրալիա է տեղափոխվել ատաղձագործ դառնալու համար: Նա երեք տարի աշխատել է նույն ընկերությունում, սակայն հեռացել է գործընկերների գործողությունների պատճառով։ 23-ամյա տղամարդու խոսքով՝ կորպորատիվի ժամանակ իրեն կապել են, գլխիվայր կախել ու սկսել մատներով հրել։
«Միայն հիշում եմ, թե ինչպես են ինձ վրա կպչուն ժապավեն կպցնում: Իմ ղեկավարը հարվածում էր ինձ եւ ծիծաղում, իսկ ես կարծում էի, որ կօգնեն ինձ», - պատմել է Իլյասը:
Իլյասը նաեւ բողոքել է, որ ծաղրից հետո ստիպված է եղել հոգեբանական օգնության դիմել։ Բացի այդ, նրա մոտ քնի հետ կապված խնդիրներ են առաջացել։ Միջադեպն այժմ հետաքննվում է աշխատավայրում աշխատանքի պաշտպանություն եւ անվտանգության հարցերով զբաղվող մարմինների կողմից: