Ոստիկանությունը ձերբակալել է Օքսֆորդի դպրոցում հրաձգություն կազմակերպած Իթան Քրամբլիի ծնողներին, հաղորդում է Fox News-ը։

Ըստ տեղեկությունների՝ զույգը ձերբակալվել է ուրբաթ օրը Դեթրոյթում՝ նահանգի ոստիկանության եւ SWAT հատուկ նշանակության ուժերի համատեղ գործողությունների ընթացքում։

Ավելի վաղ հաղորդվել է, որ դեռահասի ծնողները հետախուզման մեջ են։

Երեքշաբթի օրը Օքսֆորդի դպրոցներից մեկում 15-ամյա Իթան Քրամբլին կրակ է բացել կիսաավտոմատ ատրճանակից։ Միջադեպի հետեւանքով զոհվել է չորս աշակերտ, վիրավորվել յոթ մարդ, այդ թվում՝ մեկ ուսուցիչ: Քրամբլին ձերբակալվել է դեպքի վայրում։