Հարցս ԱԳ նախարարին էր ուղղված, քանի որ էստեղ չի, չեմ ուզում հարցս հնչեցնել, որպեսզի կառավարության ղեկավարի ոչինչ չասող պատասխաննեը կրկին չլսեմ: Այս մասին, այսօր՝ դեկտեմբերի 8-ին, ԱԺ-ում կառավարության հետ հարցուպատասխանի ժամանակ նշեց ԱԺ «Հայաստան» խմբակցության պատգամավոր Հռիփսիմե Ստամբուլյանըւ:
Այդուհանդերձ, նա դիմեց վարչապետ Նիկոլ Փաշինյանին՝ նշելով. «ԱԺ գալուց առաջ հիշեք, որ գալիս եք այստեղ հաշվետվություն ներկայացնելու: Դուք իրավունք չունեք մեզ հետ խոսել այն տոնով, այն խոսույթով, որով գալիս, խոսում եք: Այդպես կարող եք խոսել ձեր խմբակցության պատգամավորների հետ»:
Այդ ընթացքում դահլիճից ինչ-որ ձայներ լսվեցին, ինչին նա արձագանքեց. «Երբ ես խոսում եմ, լռեք: Ես իրավունք ունեմ խոսելու, եւ դուք իրավունք չունեք ընդհատելու: Երկրորդ, նոյեմբերի 9-ի տխրահռչակ հայտարարությունից հետո մենք ականատես ենք եղել բազմաթիվ փակ, գաղտնի պայմանավորվածությունների: Ըստ էության, էական էլ չի, դրանք բանավոր են, թե գրավոր: Դրանք կան եւ ունենալու են եւ իրավական, եւ բարոյական, եւ քաղաքական գնահատականներ դուք, աջ կողմում նստածներդ, եւ մարդիկ, որոնք սատարում են կառավարության ղեկավարին, բոլորդ պատասխան եք տալու»: