Դեկտեմբերի 9-ին Հայաստանի Ազգային ժողովը՝ ի դեմս իշխող «Քաղաքացիական պայմանագիր» խմբակցության պատգամավորների, հավանություն չտվեց ծանր վիրավորանքները քրեականացնելու մասին օրենքում փոփոխություններին։

Խոսքը, մասնավորապես, Քրեական օրենսգրքում եւ հարակից օրենքներում փոփոխությունների մասին օրինագծերի փաթեթի մասին է։

«Կողմ» է քվեարկել 28, «դեմ»՝ 57 պատգամավոր։ Ծանր վիրավորանքն ապաքրեականացնելուն «կողմ» են քվեարկել «Հայաստան» եւ «Պատիվ ունեմ» խմբակցությունները։  Հիշեցնենք, որ ավելի վաղ ԱԺ-ն օրենք էր ընդունել անպարկեշտ բառերի քրեականացման մասին։ Քրեական օրենսգրքում ավելացվել էր 137.1 հոդվածը՝ «Ծանր վիրավորանք»։ Ծանր վիրավորանք հասնցելը, մասնավորապես՝ ոչ ցենզուրային խոսքը կամ այլ կերպ արժանապատվության անարգումը, օրենքի համաձայն, կպատժվի 100-ից 500 հազար դրամ տուգանքով։ Եթե ​​վիրավորանքը եղել է հրապարակային կամ արտահայտվել է համացանցում կամ կոնկրետ անձի հասարակական գործունեությամբ պայմանավորված, ապա տուգանքը կկազմի 500 հազարից մինչեւ 1 միլիոն դրամ։ Կոնկրետ անձին պարբերաբար վիրավորելու դեպքում որպես պատիժ սահմանվում է տուգանք՝ 1-3 մլն դրամի չափով կամ կալանք՝ 1-3 ամիս ժամկետով։