Իսրայելը հարձակում է գործել Լաթաքիայի վրա՝ ռուսական «Հմեյմիմ» ավիաբազայի մոտ, հայտնում է Սիրիայի պետական հեռուստատեսությունը։
«Այսօր՝ ժամը 03։21-ի սահմաններում, թշնամին օդային հրթիռային հարձակում է իրականացրել Միջերկրական ծովից դեպի Լաթաքիա քաղաքի արեւմուտք՝ թիրախավորելով Լաթաքիայի առեւտրային նավահանգստում գտնվող կոնտեյներների հրապարակը»,-ասվում է հեռուստաալիքի հաղորդագրության մեջ:
Նշվում է, որ տեղում հրդեհ է բռնկվել, պատճառվել է խոշոր չափերի նյութական վնաս։
Հեռուստաալիքի տվյալներով՝ գրոհը հետ մղելու համար զինվորականներն օգտագործել են սիրիական հակաօդային պաշտպանության համակարգեր։