ԱՊՀ Էլեկտրաէներգետիկական խորհրդի հաջորդ նիստը կանցկացվի հաջորդ տարի Ղազախստանում՝ դեմ առ դեմ ձեւաչափով, հայտնել է ՏԱՍՍ-ը՝ հղում անելով հանրապետության էներգետիկայի նախարարության մամուլի ծառայությանը։
Երեքշաբթի տեսակոնֆերանսի միջոցով կայացել է խորհրդի 59-րդ նիստը, որին հանրապետությունը ներկայացրել է գերատեսչության ղեկավար Մագզում Միրզագալիեւը։ «Էներգետիկայի նախարարը սատարել է 2022 թվականին Ղազախստանի Հանրապետությունում Համագործակցության կառավարությունների ղեկավարների խորհրդի նիստի անցկացման վայրում ԱՊՀ էլեկտրաէներգետիկական խորհրդի դեմ առ դեմ նիստ անցկացնելու առաջարկը», - ասվում է հաղորդագրության մեջ։
Հանդիպման մասնակիցները քննարկել են նաեւ գլոբալ կլիմայական օրակարգի հարցեր եւ միության անդամ երկրներում առկա գործընթացները։
Բացի այդ, Ղազախստանի էներգետիկայի նախարարության ղեկավարը խոսել է հանրապետության էներգետիկ ոլորտի դեկարբոնիզացիայի մասին՝ նշելով ցածր ածխածնային զարգացմանն անցնելու խնդիրը՝ հետագայում անածխածին տնտեսության վերածվելու համար։
ԱՊՀ էլեկտրաէներգետիկական խորհուրդը Համագործակցության միջկառավարական մարմին է, որի գործունեության կարեւորագույն ոլորտը էլեկտրաէներգետիկ արդյունաբերության ոլորտում անդամ պետությունների իրավական տարածքի ստեղծումն է՝ նորմատիվ իրավական բազայի ձեւավորման եւ կատարելագործման միջոցով։