Curiosity մարսագնացով բերված ժայռերի նմուշները վերլուծելուց հետո ՆԱՍԱ-ն հայտարարել է, որ որոշ նմուշներ հարուստ են ածխածնով: Սիգնատուրան, ըստ ՆԱՍԱ-ի, ամենից հաճախ կապված է կենսաբանական գործընթացների հետ, որոնք կարող են ավելի մեծ վստահություն հաղորդել Մարսի վրա կյանքի գոյության հնարավորությանը, գրում է BGR-ը:
Իհարկե, ինչպես Կարմիր մոլորակի վրա հայտնաբերված շատ նախկին նմուշներ, դրանք նույնպես շարունակում են նոր հարցեր առաջացնել: Հարկ է նշել, որ Մարսի վրա ածխածնի տիպի գոյությունը պարտադիր չէ, որ վկայի հնագույն կյանքի մասին: Նոր հետազոտությունը պնդում է, որ սիգնատուրան կարող է վկայել հնագույն կյանքի մասին: Սակայն դա կարող է լինել նաեւ պարզապես ածխաթթու գազի եւ ուլտրամանուշակագույն լույսի փոխազդեցության արդյունք: Բացի այդ, դրանք կարող են լինել ածխածնի մնացորդներ, որոնք մնացել են միլիոնավոր տարիներ առաջ տեղի ունեցած խոշոր տիեզերական իրադարձությունից հետո:
«Մենք աներեւակայելի հետաքրքիր բաներ ենք գտնում Մարսի վրա»,- ասել է Curiosity-ի նախկին հետազոտող Փոլ Մահաֆին: «Բայց մեզ իսկապես ավելի շատ ապացույցներ են պետք, որպեսզի ասենք, որ մենք նույնականացրել ենք կյանքը»:
Մահաֆին նաեւ նշել է, որ Curiosity-ի թիմը ուսումնասիրում է այլ հնարավորություններ՝ կապված Curiosity Rover-ի նմուշներում հայտնաբերված ածխածնի սիգնատուրաների հետ: