Եվրոպայի հետ երկխոսության ժամանակը շուտ չի գա, կարծում է Ռուսաստանի նախագահի մամուլի քարտուղար Դմիտրի Պեսկովը։ Նրա կարծիքով, դրա համար եվրոպացիները պետք է նախ «սթափվեն» եւ պատասխանատվություն զգան իրենց մայրցամաքի ճակատագրի համար, գրում է «Կոմերսանտը»։
«Երբ եվրոպացիները մի փոքր սթափվեն ամերիկյան բուրբոնից եւ երբ, այնուամենայնիվ, մտածեն, որ մենք ինքներս պետք է հոգ տանենք մեր մայրցամաքի՝ Եվրոպայի, նույնիսկ Եվրասիայի ճակատագրերի համար, այն ժամանակ կգա ոչ մոտալուտ հեռանկարը, բայց այդ ժամանակ, թերեւս, կգա մեր հարաբերությունները վերագնահատելու եւ երկխոսության վիճակի մեջ մտնելու ժամանակը»,- ասել է Պեսկովը ՌԴ «Առաջին ալիք»-ի «Մոսկվա։ Կրեմլ։ Պուտին» հաղորդման եթերում։
ԵՄ-ն, ինչպես նաեւ Մեծ Բրիտանիան, ԱՄՆ-ը, Ճապոնիան եւ մի շարք այլ երկրներ պատժամիջոցներ են սահմանել Ռուսաստանի դեմ այն պատճառով, որ նա ռազմական գործողություններ է սկսել Ուկրաինայում։ Ռուսաստանին հեռացրել են բազմաթիվ միջազգային կազմակերպություններից, այդ թվում՝ Եվրախորհրդից, Ռուսաստանին հեռացրել են իրենց անդամների թվից։