Գերմանացի օրենսդիրները հավանություն են տվել էներգետիկ ընկերությունների հնարավոր սեփականազրկմանը։
Գերմանիայի խորհրդարանի ստորին պալատը հավանություն է տվել էներգետիկ անվտանգության օրինագծի նոր տարբերակին, որը ներառում է կարևոր էներգետիկ ենթակառուցվածքների և ակտիվների հնարավոր սեփականազրկում արտակարգ իրավիճակների դեպքում, հայտնում է Reuters-ը։
Թարմացված օրենքը, որը դեռ պետք է քննարկման դրվի խորհրդարանի վերին պալատում, կարող է առաջին անգամ կիրառվել, եթե լուծում չգտնվի Schwedt նավթավերամշակման գործարանի սեփականության վերաբերյալ, որը մեծամասնությամբ պատկանում է ռուսական պետական «Ռոսնեֆտ»-ին:
Օրենքը կառավարությանը լիազորում է վերահսկել ընկերությունների կողմից էներգիայի արտադրությունը, փոխադրումը և բաշխումը, եթե մատակարարումը վտանգի տակ է:
Համաձայն նոր օրենքի՝ Գերմանիայի էներգետիկ ցանցի կարգավորիչ մարմնին պետք է ծանուցվի ապագայում գազապահեստարանների ցանկացած ծրագրված շահագործումից դուրսբերման մասին։