Թուրքիան հավանություն չի տալիս ՆԱՏՕ-ին Ֆինլանդիայի եւ Շվեդիայի անդամակցությանը։ Այս մասին հայտարարել է Թուրքիայի նախագահ Ռեջեփ Էրդողանը։
Նրա խոսքով՝ Թուրքիան ուշադիր հետեւում է իրադարձությունների զարգացմանը՝ կապված ՆԱՏՕ-ին Ֆինլանդիայի եւ Շվեդիայի հնարավոր անդամակցության հետ, սակայն հակված չէ այդ հարցում դրական կարծիքի։ «Մենք դրական կարծիք չունենք։ Սկանդինավյան երկրները նման են ահաբեկչական կազմակերպությունների հյուրատան»,- ասել է Էրդողանը լրագրողներին, հայտնում է Daily Sabah-ը։
Սպասվում է, որ առաջիկա օրերին Ֆինլանդիան եւ Շվեդիան կդիմեն ՆԱՏՕ-ին անդամակցելու համար։