Անհնազանդության ակցիաների ժամանակ բերման ենթարկված քաղաքացիներին ոստիկանություն Նոր Նորքի բաժնի մոտ անհամաչափ ուժ են կիրառել:
Ոստիկանության մեքենայից դուրս են բերել երիտասարդներին եւ ուժ կիրառել: «Մի խփեք, մի արեք»,-բացականչում էր երիտասարդներից մեկը:
Կարմիրբերետավորներից մեկը, ով ներկայանում է սերժանտ Շահինյան, գետնին էր տապալել երիտասարդներից մեկին եւ միայն ընկերների օգնության գալուց հետո բարձրացնում են երիտասարդին եւ մտնում ոստիկանության բաժին:
Նշենք, որ «Դիմադրություն» շարժումը վաղ առավոտից վերսկսել է անհնազանդության ակցիաները՝ Նիկոլ Փաշինյանի հրաժարականի պահանջով։ Երևանի տարբեր հատվածներում նրանք փողոցներ են փակել, փակ է Մաշտոցի պողոտայից դեպի օդանավակայան տանող ճանապարհը։ Ոստիկանությունը փորձում է վերականգնել երթևեկությունը։ Կան բազմաթիվ բերման ենթարկվածներ։