Չեխիան կստանա 15 Leopard 2A4 տանկ, որոնք նվիրաբերել է Գերմանիան, հաղորդում է Reuters-ը։
Չեխերը նաեւ բանակցություններ կսկսեն Գերմանիայի հետ՝ առաջիկա տարիներին մինչեւ 50 ավելի ժամանակակից Leopard 2A7+ տանկեր ձեռք բերելու համար։ Նվիրաբերված տանկերը կարող են ժամանել այս տարի։
«Գերմանիան երկար ժամանակ եղել է մեր հիմնական տնտեսական գործընկերը»,- ասել է պաշտպանության նախարար Յանա Չեռնոխովան։ «Ես հավատում եմ, որ դրա շնորհիվ մեր բանակը կհզորանա, մեր երկիրն ավելի ապահով կլինի»,-ասել է նա։
Չեխիան ունի 30 արդիականացված T-72M4CZ տանկ, որոնք հատկացված են տանկային ստորաբաժանմանը, եւ մի քանի տասնյակ այլ տանկեր, որոնք չեն արդիականացվել: