Նախագահ Ջո Բայդենը ապավինում է ԱՄՆ Կոնգրեսի եւ ՆԱՏՕ-ի դաշնակիցների հետ աշխատանքին՝ Ֆինլանդիայի եւ Շվեդիայի՝ դաշինքին անդամակցության հայտի շուրջ:
«Շվեդիան եւ Ֆինլանդիան կարեւոր որոշում են կայացրել՝ հասնել ՆԱՏՕ-ին անդամակցությանը յուրաքանչյուր երկրում մանրակրկիտ եւ ներառական ժողովրդավարական գործընթացներից հետո: Ֆինլանդիան եւ Շվեդիան Միացյալ Նահանգների երկարամյա եւ վստահելի գործընկերներն են: Միանալով ՆԱՏՕ-ին՝ նրանք էլ ավելի կամրապնդեն մեր պաշտպանական համագործակցությունը եւ օգուտ կբերեն ամբողջ Անդրատլանտյան դաշինքին։ Մինչ ՆԱՏՕ-ին անդամակցելու նրանց հայտերը քննարկման փուլում են, Միացյալ Նահանգները կաշխատի Ֆինլանդիայի եւ Շվեդիայի հետ՝ մեր ընդհանուր անվտանգությանը սպառնացող ցանկացած սպառնալիքի նկատմամբ զգոն մնալու եւ ագրեսիան կամ ագրեսիայի սպառնալիքին դիմակայելու համար: Ես անհամբեր սպասում եմ վաղը Վաշինգտոնում Ֆինլանդիայի նախագահ Սաուլի Նիինիստյոյի եւ Շվեդիայի վարչապետ Մագդալենա Անդերսոնի հետ հանդիպմանը, որպեսզի մենք կարողանանք խորհրդակցություններ անցկացնել ՆԱՏՕ-ի եւ եվրոպական անվտանգության վերաբերյալ նրանց հայտարարությունների մասով», - ասվում է Բայդենի հայտարարության մեջ: