Համաշխարհային բանկը խոստանում է 30 միլիարդ դոլար հատկացնել պարենային անվտանգության ճգնաժամը հաղթահարելու համար, գրում է Reuters-ը։
Ընդհանուր գումարը կներառի 12 միլիարդ դոլար նոր ծրագրեր եւ ավելի քան 18 միլիարդ դոլար՝ սննդամթերքի հետ կապված ծրագրեր:
«Սննդամթերքի գների աճը կործանարար ազդեցություն է թողնում ամենաաղքատ եւ խոցելի խավերի վրա»,-ասել է Համաշխարհային բանկի խմբի նախագահ Դեյվիդ Մալպասը։
ՀԲ-ն նշում է, որ ակնկալվում է, որ նոր ծրագրերը կաջակցեն գյուղատնտեսությանը, սոցիալական պաշտպանությանը՝ աղքատների համար սննդամթերքի գների աճի հետեւանքները մեղմելու համար։