Ջո Բայդենի վարչակազմը հայտարարել է Ուկրաինային 100 միլիոն դոլարի ռազմական օգնության հերթական փաթեթի մասին։

Ուկրաինային կտրամադրի հավելյալ հրետանի, ռադիոտեղորոշիչ եւ այլ սարքավորումներ, որոնք երկիրն արդյունավետ օգտագործել է մարտի դաշտում, ասվում է Բայդենի հայտարարության մեջ:

Պետքարտուղար Էնթոնի Բլինքենը նույնպես հայտարարություն է տարածել՝ նշելով, որ վերջին փաթեթն ուկրաինական ճգնաժամի սկզբից ի վեր ԱՄՆ-ի ռազմական օգնությունն Ուկրաինային հասցնում է մոտ 3,9 միլիարդ դոլարի՝ սպառազինության եւ տեխնիկայի տեսքով: