Ամերիկացին վիճակախաղի տոմսում թվերի պատահական համախումբ է նշել, որոնք լսել է անծանոթից եւ 285 000 դոլար է շահել, հայտնում է UPI-ն:

Իտալական ռեստորանի ավագ մատուցող 82-ամյա Վիսենտե Մոսկերան վիճակախաղի տոմս է գնել եւ նշել է թվերը, որոնք նա տարիներ առաջ լսել էր անծանոթ տղամարդուց:

Թվերի համադրությունը շահող է ստացվել. տարեց մատուցողը 285 316 դոլար է ստացել: Մոսկերան վերցրել է շահած գումարը, սակայն հայտնել է, որ մտադիր չէ հեռանալ իր սիրած աշխատանքից: