Գերմանիայի ֆինանսների նախարար Քրիստիան Լինդները Financial Times-ին տված հարցազրույցում ասել է, որ Գերմանիան «բաց» է Արեւմուտքում սառեցված ռուսական արժութային պահուստներն օգտագործելու գաղափարի համար՝ Ուկրաինայի վերակառուցման ծախսերը հոգալու նպատակով։
Միաժամանակ, նրա խոսքով, «միջազգային կարգի համար իրավական հարցերն ու հետեւանքները դեռ պետք է լուծվեն»։
Լինդները նաեւ ասել է, որ դեմ է եղել ռուս օլիգարխների մասնավոր ակտիվների կալանքին։
«Օրենքի գերակայության վրա հիմնված երկրները երաշխավորում են մասնավոր սեփականությունը»,- ասել է Լինդները FT-ին։
Նրա կարծիքով՝ անհրաժեշտ է անհատներին համոզել «կամավոր հիմունքներով իրենց ներդրումն ունենալ Ուկրաինային հասցված վնասի փոխհատուցման գործում», հաղորդում է Deutsche Welle-ն։