Չինաստանը խիստ բողոք է հայտնել ԱՄՆ-ին՝ ԱՄՆ նախագահ Ջո Բայդենի հայտարարության կապակցությամբ այն մասին, որ անհրաժեշտության դեպքում պատրաստ է ռազմական ճանապարհով պաշտպանել Թայվանը։ Այս մասին երկուշաբթի հերթական ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Վան Վենբինը։
«Չինաստանն իր սուր դժգոհությունն ու խիստ բողոքն է հայտնում ամերիկյան կողմի հայտարարության կապակցությամբ։ Թայվանը Չինաստանի տարածքի անբաժանելի մասն է»,- ասել է նա։