Երեւանի ընդհանուր իրավասության դատարանի Շենգավիթի նստավայրում «Սիլվայի գործով» դատական նիստ կանցկացվի։ Գործող մեղադրյալներ են ՀՀ երկրորդ նախագահ Ռոբերտ Քոչարյանը եւ նախկին փոխվարչապետ, այժմ ընդդիմադիր «Հայաստան» խմբակցության պատգամավոր Արմեն Գեւորգյանը։

Հիշեցնենք, որ նախորդ շաբաթ նիստը չկայացավ՝ Արմեն Գեւորգյանի՝ ԵԽԽՎ նիստին մեկնելու պատճառով։ Նախորդ նիստն անցկացվել է դռնփակ:

Ինչպես արդեն հաղորդվել էր, դատավոր Աննա Դանիբեկյանը, չնայած բազմաթիվ միջնորդությունների առկայությանը՝ խափանման միջոցը փոխելու միջնորդությունից մինչեւ գործով ապացույցները ոչ իրավաչափ ճանաչելու միջնորդությունը, սկսել է ուսումնասիրել դրանք։ Նիստը դռնփակ անցկացնելու մասին միջնորդություն էր ներկայացրել փաստաբան Հայկ Ալումյանը: