ԵԱՏՄ անդամ երկրների ներկայացուցիչները հետաքրքրություն են ցուցաբերել կապիկի ծաղիկի ախտորոշման ռուսական թեստ-համակարգերի նկատմամբ:
Ըստ Ռոսպոտրեբնադզորի՝ ԵԱՏՄ անդամ պետությունների բնակչության սանիտարահամաճարակային բարեկեցության ոլորտում լիազոր մարմինների ղեկավարների խորհրդի նիստից հետո գործընկերները մեծ հետաքրքրություն են ցուցաբերել կապիկի ծաղիկի լաբորատոր ախտորոշման թեստային համակարգերի ռուսական տարբերակների, ինչպես նաեւ «Ռոսպոտրեբնադզոր»-ի «Վեկտոր» ավտոնոմ թեստ համակարգի նկատմամբ:
Նիստին մասնակցել են Հայաստանի, Բելառուսի, Ղազախստանի, Ղրղզստանի գլխավոր պետական սանիտարական բժիշկները։ Մասնակցության համար հրավիրվել են նաեւ Տաջիկստանի եւ Ուզբեկստանի սանիտարահամաճարակային բարեկեցության ոլորտի լիազոր մարմինների ղեկավարները։
Մասնակիցները քննարկել են Եվրասիական տնտեսական միության անդամ երկրների, Տաջիկստանի Հանրապետությունում եւ Ուզբեկստանի Հանրապետությունում վարակիչ հիվանդության ներմուծման եւ տարածման կանխմանն ուղղված հակահամաճարակային միջոցառումները։ Նշվել է, որ բոլոր երկրներն ուժեղացրել են սանիտարա-կարանտինային հսկողության միջոցառումները սահմանին:
Արդյունքում կողմերը համաձայնեցրել են հետագա համատեղ գործողությունները՝ ԵԱՏՄ տարածքում բնակչության կյանքի եւ առողջության պաշտպանության համար։ Մասնավորապես, «Ռոսպոտրեբնադզոր»-ի գործընկերների խնդրանքով՝ ԵԱՏՄ երկրների, Տաջիկստանի եւ Ուզբեկստանի պրոֆիլային մասնագետների համար կապիկի ծաղիկի տարածման կանխարգելման եւ վերահսկման վերաբերյալ ուսուցողական սեմինարներ կանցկացվեն: