ԱԺ մայիսի 25-ի նիստին պատգամավորները երկրորդ եւ վերջնական ընթերցմամբ հավանություն տվեցին «Զանգվածային լրատվության մասին» օրենքում լրացումներ կատարելու մասին օրինագծին:
Այդպես, Հայաստանում լրագրողի հավատարմագրումն այսուհետ կարող է դադարեցվել ոչ միայն իր ներկայացրած լրատվամիջոցի, այլեւ նրան հավատարմագրած պետական մարմնի պահանջով։
Նշենք, որ խորհրդարանական ընդդիմության պատգամավորները՝ ի դեմս «Հայաստան» եւ «Պատիվ ունեմ» խմբակցությունների, նիստին դարձյալ չէին ներկայացել։ Նրանք այժմ համակարգում են անհնազանդության ակցիաները: