Ավստրալիայի Քվինսլենդ նահանգի իշխանությունները կարգելեն տարածաշրջանում նացիստական խորհրդանիշների ցուցադրումը։ Այս մասին հինգշաբթի հայտարարել է նահանգի վարչապետ Անաստասիա Պալաշչուկը։
«Նացիստական գաղափարախոսության հետ կապված խորհրդանիշների հրապարակային ցուցադրումը Քվինսլենդում կարգելվի ծայրահեղականության դեմ նոր օրենքների համաձայն [ինչպես սպասվում է, խորհրդարանը կընդունի 2022 թ-ի օգոստոսի 1-ին]: Նացիզմը չարիք է, եւ այդպիսի գաղափարախոսությամբ թելադրված հանցագործությունները հեռու են անվնաս լինելուց», - ասվում է վարչապետի հայտարարության մեջ, որը հրապարակվել է նահանգային կառավարության կայքում:
Պալաշչուկը նշել է, որ առաջիկա մի քանի շաբաթվա ընթացքում տարածաշրջանի իշխանություններն անհրաժեշտ խորհրդակցություններ կանցկացնեն ինչպես իրավաբանների, այնպես էլ հասարակական կազմակերպությունների հետ, որպեսզի նացիստական խորհրդանիշների արգելքն ուժի մեջ մտնի 2022-ի երկրորդ կեսից։