Դաշնակցությունը որեւէ գործարան կամ օբյեկտ չունի, կարող է դաշնակցականը ունենա. Դաշնակցականի ունեցվածքը եւ Դաշնակցության ունեցվածքը տարբեր են: Այս մասին, այսօր՝ մայիսի 26-ին, Ֆրանսիայի հրապարակում ճեպազրույցի ժամանակ նշեց ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը՝ անդրադառնալով հարցին, թե ինչու ՀՅԴ-ականներին պատկանող օբյեկտների աշխատակիցները ականջալուր չեն լինում եւ չեն միանում գործադուլի կոչերին:
«Ես մասնավոր դեպքեր չեմ քննարկում, մենք էլ մասնավոր անձանց չենք դիմել, որ գործադուլ անեն: Մենք ընդհանուր հանդես ենք եկել կոչով, դրան արձագանքել են բազմաթիվ գործարարներ, եղել են նաեւ չարձագանքողներ»,-ասաց նա: