Ներկայիս իշխանության օրոք  դիզվառելիքը թանկացել է կրկնակի, պարարտանյութը՝ 3,3 անգամ, ինչը հանգեցրել է գյուղատնտեսական արտադրանքի անկման ու թանկացման։ Այս մասին Դիմադրության շարժման հանրահավաքում հայտարարեց «Հայաստան» խմբակցության պատգամավոր Թադեւոս Ավետիսյանը։

Նրա խոսքով՝  Հայաստանի յուրաքանչյուր երկրորդ քաղաքացին չափավոր աղքատ է, այսինքն՝ ստանում է ավելի քիչ, քան անհրաժեշտ է նվազագույն կարիքները բավարարելու համար։ «Այս պայմաններում իշխանությունը մեծացնում է պետական ​​պարտքի չափը՝ իր բարեկեցությունն ապահովելու համար։ Սոցիալական ոլորտում ոչ մի բարեփոխում չի իրականացվում, ամեն ինչ կործանել են»,-ասաց նա։