41-ամյա տղամարդու մասին մի քանի անգամ ահազանգել են ոստիկանություն եւ Բնակարանային զարգացման խորհուրդ (HDB), սակայն ապարդյուն։
Դատելով TikTok-ում հարեւանի տեսանյութերից՝ տղամարդը գիշեր-ցերեկ թակում է իր բնակարանի պատերը։
Բազմաբնակարան շենքի բնակիչները բազմաթիվ հաղորդումներ են ներկայացրել տարբեր կազմակերպություններին, այդ թվում՝ քաղաքային խորհրդին եւ հանրային վեճերի դատարաններին, նույնիսկ դիմել են պատգամավորներին: Միջադեպը նույնիսկ լուսաբանվել է հեռուստատեսությամբ եւ մի քանի հոդվածներով: Այնուամենայնիվ, տղամարդը շարունակում է անհանգստացնել իր հարեւաններին, քանի որ նրան միայն նախազգուշացումներ են տալիս:
«Ես վստահ չեմ, որ իշխանություններն ու ոստիկանությունը կարող են ինչ-որ բան անել, որքան գիտեմ՝ ձեր հարեւանը ոչ մի օրենք չի խախտել եւ ոչ մի իրավախախտում չի արել»,- ասվում է պատգամավորի պատասխաններից մեկում։