Պակիստանի նախկին վարչապետ Իմրան Խանը բեռնատարի վրա կանգնած եւ շրջապատված ամբոխով բողոքի ակցիա է անցկացրել․ հաղորդում է CNN-ը։

Նա իր միլիոնավոր աջակիցներին գործի անցնելու կոչ է արել։

Իսլամաբադում բողոքի ցույցերի ժամանակ Խանը բազմիցս հայտարարել է, որ Պակիստանը ղեկավարվում է «ԱՄՆ-ում մշակված օտարերկրյա դավադրության կողմից նշանակված դավաճանների կողմից»:  

Անվտանգության աշխատակիցների եւ ցուցարարների միջեւ բախումից հետո նա ստիպված է եղել չեղարկել միջոցառումը։

«Ես ներմուծված կառավարությանը 6 օր եմ տալիս՝ նոր ընտրություններ հայտարարելու համար։ Հակառակ դեպքում ես կրկին կմտնեմ Իսլամաբադ 2 միլիոն մարդու հետ»,-սպառնացել է Խանը։