Երեւանի Ֆրանսիայի հրապարակում այսօր` մայիսի 28-ին, տեղի է ունենում «Դիմադրություն» շարժման հանրահավաքը:
Հանրահավաքը մեկնարկեց Հայաստանի Հանրապետության օրհներգով, ապա հանրահավաքի մասնակիցները միասին երգեցին «Սարդարապատ» երգը:
Ավելի վաղ շարժման անդամները ծաղիկներ էին խոնարհել Ապարանում եւ Սարդարապատում առաջին հանրաետության օրվա առթիվ, ապա ավտոերթով եկել էին Երեւան:
Նշենք, որ Ստեփանակերտում այսօր եւս անցկացվելու է երթ եւ հանրահավաք Վերածննդի հրապարակում:
Նշենք, որ շարժումը Նիկոլ Փաշինյանի հրաժարականի պահանջով անհնազանդության ակցիաները սկսել էր մայիսի 2-ից: