Ռուսաստանը հանել է Հայաստանի եւ Ղրղըզստանի հետ տրանսպորտային հաղորդակցության սահմանափակումները։ Համապատասխան կարգադրությունը, որը հրապարակվել է իրավական տեղեկատվության պորտալում, ստորագրել է երկրի վարչապետ Միխայիլ Միշուստինը։
«Լրացնել օտարերկրյա պետությունների ցանկը, որոնց հանդեպ հանվել են Ռուսաստանի Դաշնության մտցրած տրանսպորտային հաղորդակցության ժամանակավոր սահմանափակումները, <…> այդ պետություններն են՝ Հայաստանի Հանրապետությունը, Ղրղըզստանի Հանրապետությունը»,- նշվել է փաստաթղթի տեքստում։
Սահմանափակումները մտցվել էին ընթացիկ տարվա մայիսի 20-ին։