ՌԴ վարչապետ Միխայիլ Միշուստինը ԵԱՏՄ-ի անդամ երկրներին առաջարկել է արագացնել անցումը սեփական միջազգային ֆինանսական հաշվարկային մեխանիզմներին եւ ընդլայնել արտաքին առեւտրային կոոպերացիայում ազգային արժույթների օգտագործման գործելակերպը, տեղեկացրել է «ՌԻԱ Նովոստի»-ն։
«Առաջարկում ենք արագացնել անցումը սեփական միջազգային ֆինանսական հաշվարկային մեխանիզմներին, ընդլայնել արտաքին առեւտրային կոոպերացիայում ազգային արժույթների օգտագործման գործելակերպը մեր եւ այն երկրների միջեւ, որոնք որպես հուսալի գործընկերներ են ներկայացել»,- ասել է Միշուստինը երեքշաբթի Մինսկում ընթացող Եվրասիական միջկառավարական խորհրդի նիստում։
Վարչապետը նաեւ հայտարարել է գերակա բարձրտեխնոլոգիական ճյուղերում ներմուծման նվաեցման ոլորտում կոոպերացիան խորացնելու անհրաժեշտության մասին։ «Մենք պետք է նվազեցնենք կախվածությունը արտասահմանյան մատակարարումներից, գործարկենք սեփական համատեղ ինովացիոն նախագծեր պահանջված արտադրանքի թողարկման համար»,- ընդգծել է Միշուստինը։