2022 թվականին «Հունիսյան Բուդից» երկնաքարային հոսքի գագաթնակետը կլինի հունիսիս 27-ին: Այս մասին հայտնում է Մոսկվայի պլանետարիումը:

«Հունիսյան Բուդից» երկնաքարային հոսքը դիտվում է այն ժամանակ, երբ Երկիրն անցնում է «Փոնս Ուինեք» գիսաստղի ուղեծրով:

Սովորաբար «Հունիսյան Բուդից» երկնաքարային հոսքի ժամանակ երկնքում կարելի է տեսնել ժամում ոչ ավելի, քան 1-2 երկնաքար, սակայն կան բացառություններ։ Օրինակ՝ 1916 թվականին ակտիվ երկնաքարերի հոսքը հանգեցրել է վերոնշյալ հոսքի հայտնաբերմանը, 1998 թվականին երկնաքարերի թիվը ժամում հասել է մոտավորապես 100-ի, իսկ 2004 թվականին՝ 20-ից 50 երկնաքարի։