Լեհաստանը ողջունել է ԱՄՆ նախագահ Ջո Բայդենի՝ երկրում 5-րդ բանակի շտաբ տեղակայելու մտադրությունը:

Ավելի վաղ Բայդենը Մադրիդում ՆԱՏՕ-ի գագաթաժողովին ասել էր, որ Միացյալ Նահանգները կավելացնի իր ուժերն ու տեխնիկան ամբողջ Եվրոպայում եւ նոր մշտական ​​բանակի շտաբ կստեղծի Լեհաստանում՝ Ռուսաստանի կողմից հնարավոր «նոր սպառնալիքներին» ի պատասխան:

«Դա հաջողություն է, որն այս հարցի շուրջ երկար եւ հետեւողական բանակցությունների արդյունք է, եւ միեւնույն ժամանակ շատ հստակ նշան առ այն, որ ամերիկացիները մտադիր են մեծացնել, այլ ոչ թե նվազեցնել իրենց ներկայությունը Լեհաստանում»,- ասել է Լեհաստանի նախագահի խորհրդական Յակուբ Կումոչը:

«Այն, ինչ շատերի համար անհնար էր թվում, այժմ փաստ է դառնում»,- Twitter-ում գրել է փոխարտգործնախարար Մարչին Պրժիդաչը: «Մենք Լեհաստանում ունենք ԱՄՆ-ի ՄՇՏԱԿԱՆ ​​ներկայություն... Սա նաեւ հստակ ազդանշան է Մոսկվայի համար»: