Հարավաֆրիկյան իշխանությունները հետաքննում են՝ արդյո՞ք 21 դեռահասները, ովքեր հանգստյան օրերին առեղծվածային կերպով մահացել էին գիշերային ակումբում, կարող էին պատահաբար թունավորվել սննդից կամ ըմպելիքներից:
Նրանք, ովքեր փրկվել են հայտնի ակումբում տեղի ունեցած սարսափելի փորձությունից, պատմում են շենքում ուժեղ եւ խեղդող հոտի մասին, նախքան դեռահասների մահը:
Զոհերից շատերի մարմինները, որոնցից ամենափոքրը 13-ամյա մի աղջիկ էր, ոստիկանները հայտնաբերել էին սեղանների, աթոռների ու բազմոցների վրա եւ ակումբի պարահրապարակում փռված:
Իշխանություններն արդեն հերքել են նախնական հաղորդումներն այն մասին, որ երիտասարդները մահացել են հրմշտոցի հետեւանքով:
Նրանք դատաբժշկական փորձանմուշներ են ուղարկել թունաբանական լաբորատորիա՝ պարզելու՝ արդյոք դեռահասները երեկույթի ժամանակ թույն կամ թունավոր նյութեր են ընդունել: