Թուրքիան աշխատում է Սիրիայի հյուսիսում ռազմական օպերացիայի վրա, ամեն ինչ կարող է հանկարծակի տեղի ունենալ, ասել է նախագահ Թայիփ Էրդողանը։
«Ես այս թեմայով հայտարարություն ունեմ՝ մենք կարող ենք հանկարծակի գալ մի օր գիշերը: Պետք չէ իրար խառնվել: Պետք չէ շտապել։ Մենք արդեն աշխատում ենք այս ոլորտում հենց հիմա։ Ինչպես գիտեք, մենք աշխատանքներ ունենք մի կողմից Հյուսիսային Իրաքում, իսկ մյուս կողմից՝ Աֆրինում, Հյուսիսային Սիրիայում եւ այլն... Եթե մի փոքր համբերություն ցուցաբերենք, հուսով եմ, որ օպերացիաները կիրականացնենք ամենաուժեղ ձեւով, երբ ժամանակը գա»,- ասել է Էրդողանը լրագրողներին ինքնաթիռում՝ Մադրիդից վերադառնալիս: