Մենք դեռ պատերազմի օրերից սկսած խոսում էինք, որ պատերազմում պարտության պատճառներից մեկը հենց այն էր, որ դավաճանական քայլեր են եղել: Այս մասին NEWS.am-ի հետ զրույղցում նշեց Արցախի ԱԺ «Արդարություն» խմբակցության պատգամավոր Դավիթ Գայստյանը՝ անդրադառնալով նախօրեին Արցախի ԱԺ-ում երկրի նախագահ Արայիկ Հարությունյանի հայտարարությանը, թե գործակալական ցանցեր են գործում Արցախում եւ ընդհուպ իր՝ աշխատասենյակից դուրս գալը ադրբեջանցիները շատ արագ իմանում են:
«Դա է ապացուցում այն փաստը, որ մենք առայսօր նմանատիպ դեպքերի ու բացահայտումների ենք ականատես լինում: Այսօր ելնելով անվտանգությունից, ես զերծ կմնայի մեկնաբանելուց, քանի որ դա ինչ-որ տեղ պետության, իշխանության մեկնաբանելու հարց է: Այդ հարցերին հստակ պատասխաններ հենց իրենք պետք է տան, ոչ թե ընդդիմադիր պատգամավորները: Բայ այն, որ մենք բազմիցս բարձրաձայնել ենք, որ մեր պարտությունների պատճառը հենց այդ դավաճանական քայլերն են, դա փաստ է:
Ես չեմ կարող ենթադրություններով առաջնորդվել, մանավանդ այդ լրտեսական ցանցի բացահայտման առումով, բայց գոնե ողջունելի է, որ սկսվում է բացահայտվել: Բացահայտմանը զուգահեռ պետք է նաեւ աշխատանքներ տարվեն հետայսու բացառելու համար նման դեպքերը»,-ասաց ընդդիմադիր պատգամավորը:
Նա նկատեց, թե ինչ պրիմիտիվ ձեւով են այդ ցանցերը ստեղծվել. «Ես չեմ կարող այն մարդուն հայ համարել, որը 200-300 դոլարով կամ ընդհանրապես փողսի դիմաց հայրենիք է վաճառում կամ իր հայրենակիցների մասին թշնամիներին տեղեկություններ է հաղորդում: Նման մարդիկ տեղ չպետք է ունենան ոչ Արցախում, որ Հայաստանում: Ընդհանրապես հայ կոչվելու իրավունք չպետք է ունենան»:
Դավիթ Գալստյանը նաեւ հայտարարեց, որ պատերազմում հայոց բանակը չի պարտվել, պարտվել են իշխանությունները, եւ առայսօր պարտվողական կեցվածքով շարունակում են ազգին տանել նոր պարտությունների: