Ճապոնիայի կառավարությունը ստեղծել է հետազոտական խումբ, որը կհետեւի, թե ինչպես են վերաբերվում տեղի կանայք իրենց մարմնին, ինչ դիետա են նրանք նախընտրում եւ ինչ ապրելակերպ են վարում: Ինչպես նշում է The Mainichi թերթը, տեղի Առողջապահության նախարարության նախաձեռնությունը պայմանավորված է նրանով, որ վերջերս Ճապոնիայում շատ կանայք տառապում են քիչ կիլոգրամներից։
Առողջապահության նախարարությունը մտադիր է օգտագործել հետազոտական թիմի արդյունքները՝ բարելավելու կանանց շրջանում առողջ քաշի պահպանումը: Հաղորդվում է, որ պաշտոնյաները հնարավոր է անհավասարակշիռ սնվելու ռիսկերի մասին զանգվածային տեղեկատվություն տարածեն։
Թերթն ուշադրություն է հրավիրում նաեւ 2019 թվականի հետազոտության արդյունքների վրա, որի համաձայն՝ 20 տարեկան կանանց 20,7 տոկոսը քիչ քաշ է ունեցել։