Գերմանիան ներկայումս ձեռնարկված միջոցներով մինչեւ 2030 թվականը չի հասնի հանածո վառելիքից աստիճանաբար հրաժարվելու եւ վերականգնվող էներգիայի օգտագործումը մեծացնելու իր նպատակներին։ Այս մասին ասվում է Տնտեսական հետազոտությունների գերմանական ինստիտուտի (DIW) զեկույցում, հայտնում է AP-ն։
Նա ուսումնասիրել է այն նպատակները, որոնք կանցլեր Օլաֆ Շոլցի կառավարությունն իր առջեւ դրել է անցյալ տարի իշխանության գալուց հետո։
Տնտեսագետները հաշվարկել են, որ էլեկտրամոբիլների, արեւի եւ քամու էներգիայի ներկայիս ընդունումը բավականաչափ արագ չի լինի այդ նպատակներին հասնելու համար:
Մինչեւ 2030 թվականը 15 միլիոն էլեկտրական մեքենա թողարկելու կառավարության նպատակը՝ կպահանջի ամեն ամիս 130 000 էլեկտրական մեքենայի գրանցում՝ ներկայիս 30 000-ի համեմատ: Զեկույցում ասվում է, որ արեւային մարտկոցների տեղադրման տեմպերը պետք է եռապատկվեն նախորդ տարվա համեմատ, իսկ հողմային տուրբինների տեղադրման տեմպերը պետք է քառապատկվեն։
«Եթե կառավարությունը չի ցանկանում հետ մնալ իր նպատակներին հասնելուց, նա պետք է շուտով կոնկրետ եւ հեռահար քայլեր ձեռնարկի»,- ասել է էներգետիկայի հարցերով DIW-ի տնտեսագետ Վոլֆ-Պիտեր Շիլը: