Աֆղանստանը չի օգտագործվի այլ երկրների վրա հարձակվելու համար, հայտարարել է Թալիբանի առաջնորդ Հայբաթուլլահ Ահունզադան, գրում է AP-ը։
Նա միջազգային հանրությանը կոչ է արել չմիջամտել Աֆղանստանի ներքին գործերին։
«Մենք վստահեցնում ենք մեր հարեւաններին, տարածաշրջանին եւ աշխարհին, որ թույլ չենք տա որեւէ մեկին օգտագործել մեր տարածքը՝ սպառնալու այլ երկրների անվտանգությանը։ Մենք նաեւ ցանկանում ենք, որ այլ երկրներ չմիջամտեն մեր ներքին գործերին»,-ասել է նա Ղուրբան բայրամի նախօրեին իր ելույթում։