Ուկրաինայում իրավիճակի պատճառով աշխարհում մոտ 40 մլն մարդ կարող է բախվել սովի խնդրին։ Այս մասին հայտարարել է Միավորված Ազգերի Կազմակերպության Պարենային եւ գյուղատնտեսական կազմակերպության (FAO) գլխավոր տնտեսագետ Մաքսիմո Տորերոն՝ ելույթ ունենալով ՄԱԿ-ի գիտաժողովում։
«Ագրոարդյունաբերական հատվածը լուրջ անորոշության վիճակում է։ Եթե մենք կանխատեսելու լինենք Ուկրաինայի իրավիճակի ազդեցությունը, ապա 2022թ. կունենանք, առնվազն, եւս 40 մլն մարդ, որոնք քրոնիկական քաղցի խնդրի կբախվեն»,- ասել է Տորերոն։
Նրա խոսքով՝ 2023թ. սովի խնդրին կարող է բախվել արդեն ավելի քան 70 մլն մարդ։