ԱՄՆ-ն կմասնակցի Հնդկաստանի հետ զորավարժություններին՝ Չինաստանի հետ երկրի վիճելի սահմանից 100 կմ հեռավորության վրա։ 

Զորավարժությունը տեղի կունենա հոկտեմբերի կեսերին Հնդկաստանի Ուտարախանդ նահանգում, հաղորդում է CNN-ը՝ հղում անելով հնդկական բանակի բարձրաստիճան սպային։

Զորավարժությունները տեղի կունենան «Յուդ Աբհյաս» կամ «Ռազմական պրակտիկա» անվանումներով հայտնի ամենամյա համատեղ զորավարժությունների 18-րդ թողարկման շրջանակներում: