Մեծ Բրիտանիայում Չինաստանի դեսպան Չժեն Ցզեգուանը կանչվել է Մեծ Բրիտանիայի ԱԳՆ՝ Թայվանի վերաբերյալ Պեկինի վերջին գործողությունների եւ հայտարարությունների պատճառով։ Այս մասին ասվում է Միացյալ Թագավորության արտաքին գործերի նախարարության ղեկավար Լիզ Թրասի հայտարարության մեջ։
«Ես պաշտոնյաներին հանձնարարել եմ կանչել Չինաստանի դեսպանին, որպեսզի նա բացատրի իր երկրի գործողությունները»,- ասվում է Թրասի հայտարարության մեջ:
Փաստաթղթում նշվում է, որ Պեկինի կողմից վերջին ամիսներին ավելի ու ավելի շատ ագրեսիվ պահվածք է դրսեւորվում, ինչը սպառնում է խաղաղությանը եւ կայունությանը խաղաղօվկիանոսյան տարածաշրջանում։
Մեծ Բրիտանիան Չինաստանին կոչ է անում անհապաղ լուծել Թայվանի հետ բոլոր տարաձայնությունները խաղաղ միջոցներով, առանց ուժի կամ հարկադրանքի սպառնալիքի, ասվում է հայտարարության մեջ։