Կալիֆոռնիայում մեգա ջրհեղեղ է կանխատեսվել: Science Advances-ի նոր ուսումնասիրությունը ցույց է տալիս, որ կլիմայի փոփոխությունն արդեն կրկնապատկել է առաջիկա 40 տարում Կալիֆոռնիայում աղետալի ջրհեղեղի հավանականությունը: Փորձագետներն ասում են, որ այն նման չէ այն ամենին, ինչ երբեւէ զգացել է այսօր ապրող որեւէ մեկը:

Լոս Անջելեսի Կալիֆոռնիայի համալսարանի կլիմայագետ եւ հետազոտական թիմի անդամ Դենիել Սուեյնը մեգաջրհեղեղը նկարագրում է որպես «շատ ուժեղ ջրհեղեղ լայն տարածաշրջանի վրա, որը կարող է աղետալի հետեւանքներ ունենալ տուժած շրջանների համայնքների համար»: Մեգա ջրհեղեղը նման է 1000-ամյա հեղեղներին, որոնք տեսել են այս ամառ Սենթ Լուիսում եւ Կենտուկիում, սակայն շատ ավելի լայն տարածքում, օրինակ՝ Կալիֆոռնիայի ամբողջ նահանգում:

Այս լայնածավալ ջրհեղեղները, որոնք, ըստ փորձագետների, Կալիֆոռնիայի ցածրադիր վայրերը կվերածեն «ընդարձակ ներքին ծովի», հնարավոր է, որ նախկինում եղել են: Սակայն փորձագետներն ասում են, որ կլիմայի փոփոխությունը մեծացնում է այս աղետների հավանականությունը՝ պատճառ դառնալով, որ դրանք տեղի ունենան ավելի հաճախ, քան 25-ից 50 տարին:

Կլիմայի փոփոխությունը սաստկացնում է հորդառատ անձրեւները՝ պատճառ դառնալով ավելի կանոնավոր ջրհեղեղների, ինչն այս ամառ մի քանի անգամ դրսեւորվել է Արեւելյան Կենտուկիում, Սենտ Լուիսում եւ նույնիսկ Կալիֆոռնիայի Մահվան հովտի ազգային պարկում:

Կալիֆոռնիան, բնականաբար, հակված է այս մթնոլորտային գետերի հեղեղումներին: Խոշոր ջրհեղեղներ նախկինում էլ են տեղի ունեցել, սակայն կլիմայի փոփոխությունը մեծացնում է խաղադրույքները, եւ միլիոնավոր մարդիկ կարող են տուժել: