Գերմանիայի ֆինանսների նախարար Քրիստիան Լինդները Եվրահանձնաժողովին խնդրել է սահմանափակ ժամկետով վերացնել գազի նոր տուրքի ավելացված արժեքի հարկը, հայտնում է Reuters լրատվական գործակալությունը։
Գերմանական գազի շուկայի օպերատորը երկուշաբթի օրը կհայտարարի այն տուրքը, որը Բեռլինը սահմանում է բոլոր գազ սպառողների համար՝ գազի ներմուծման հավելյալ ծախսերը բաշխելու նպատակով։ Հարկը նախատեսված է օգնելու «Յունիպերին» եւ մյուս ներկրողներին՝ դիմակայելու գների աճին, որը պայմանավորված է Ռուսաստանից արտահանման հոսքերի նվազմամբ, սակայն դա կխորացնի էներգակիրների արդեն իսկ անսահման բարձր գները եւ սպառողների վրա գնաճային ճնշումը:
Էներգետիկ ԱԱՀ-ի մասին ԵՄ օրենսդրության համաձայն՝ գանձումը համարվում է գազի ընդհանուր գնի մի մասը, ինչը փաստացի նշանակում է, որ այն պարտադիր է, ուստի Գերմանիան պետք է Բրյուսելի թույլտվությունը հայցի՝ այն հանելու համար:
Լինդներն ասել է, որ մինչ ինքը խնդրում էր Գերմանիայի անունից, նա իրականում խնդրում էր ԱԱՀ-ի օրենսդրության փոփոխություն, որը բոլոր անդամ պետություններին ժամանակավորապես հնարավորություն կտա նմանատիպ քայլեր ձեռնարկելու:
Լինդների նամակում ասվում է, որ Գերմանիան պաշտոնապես ԵՄ-ին կդիմի ավելի ուշ, սակայն նա ցանկացել է ժամանակից շուտ դիմել Բրյուսելին՝ հավաստիացնելու իշխանություններին, որ քաղաքական գործիչները մտահոգված են հնարավոր դժվարություններով եւ դժգոհությամբ:
«Պետական տուրքերի ԱԱՀ-ն բարձրացնում է գները եւ առաջ բերում հանրության աճող դիմադրությունը, հատկապես ներկայիս բացառիկ իրավիճակում: Սակայն բնակչության կողմից հարկային օրենքների ընդունումը չափազանց կարեւոր է դրա կիրարկումն ապահովելու համար», - ասվում է զեկույցում։
Լինդերը նշել է, որ էներգիայի գների աճը վտանգ է ներկայացնում բարգավաճման եւ կայունության համար: