ԱՄՆ առաջին տիկին Ջիլ Բայդենը հիվանդացել է COVID-19-ով եւ ունի հիվանդության «թեթեւ ախտանշաններ», հայտնել է Սպիտակ տունը։

Նա հանգստանում էր նախագահ Ջո Բայդենի հետ Հարավային Կառոլինայում, երբ երկուշաբթի նրա մոտ ախտանիշներ են հայտնվել: Առաջին տիկնոջը նշանակվել է Պաքսլովիդ հակավիրուսային դեղամիջոցը, եւ նա առնվազն հինգ օր մեկուսացած կլինի հանգստյան տանը։

Սպիտակ տունը հայտնել է, որ երեքշաբթի առավոտյան Ջո Բայդենի թեստը բացասական է եղել, բայց նա 10 օր տանը դիմակ կկրի՝ համաձայն Հիվանդությունների վերահսկման եւ կանխարգելման կենտրոնների ցուցումների: Նախագահը վիրուսի ռեցիդիվից օգոստոսի 7-ին է ապաքինվել: