ՄԱԿ-ի գլխավոր քարտուղար Անտոնիո Գուտերեշը օգոստոսի 20-ին Ստամբուլում Համատեղ համակարգող կենտրոն այցի ժամանակ կհանդիպի Ռուսաստանի, Ուկրաինայի եւ Թուրքիայի պատվիրակությունների հետ, համաշխարհային կազմակերպությունը նշում է կողմերի մասնագիտական աշխատանքը։ Այս մասին ճեպազրույցում հայտարարել է Գուտերեշի պաշտոնական ներկայացուցիչ Ստեֆան Դյուժարիկը, փոխանցում է ՏԱՍՍ-ը։
«Եթե գլխավոր քարտուղարը այցելի Համատեղ համակարգող կենտրոն, ապա ակնհայտ է, որ նա կտեսնի բոլոր պատվիրակություններին։ Դա ներառում է ՄԱԿ-ի, Թուրքիայի, Ռուսաստանի եւ Ուկրաինայի պատվիրակությունները,- նշել է համաշխարհային կազմակերպության ներկայացուցիչը,- Ըստ այն տեղեկությունների, որոնք մենք ստանում ենք, բոլոր երկրների՝ Ռուսաստանի, Ուկրաինայի եւ Թուրքիայի ներկայացուցիչները աշխատում են չափազանց պրոֆեսիոնալ կերպով»։ «Մենք տեսել ենք այս բոլոր ստուգումները, որոնց դեմ ցանկացած կողմ կարող էր առարկել, ինչը, կարծում եմ, վկայում է կողմերի լուրջ բարեխղճության մասին»,- ասել է Դյուժարիկը: