Սկսվել է Թուրքիային Ս-400-ների երկրորդ գնդի մատակարարման շուրջ պայմանագրի իրականացումը, գրում է «ՌԻԱ Նովոստին»։
2021 թվականի օգոստոսի վերջին Թուրքիայի նախագահ Ռեջեփ Էրդողանը հայտարարել է, որ Ռուսաստանից երկրորդ գնդի գնման հարցում կասկածներ չունի։
«Արդեն ստորագրվել է համապատասխան փաստաթուղթը։ Ներկայում ընթանում է պայմանագրի գործնական իրականացումը»,-ասել է Ռուսաստանի Ռազմատեխնիկական համագործակցության դաշնային ծառայության ղեկավար Դմիտրի Շուգաեւը։
Նրա խոսքով՝ Թուրքիան շարունակում է մնալ Ռուսաստանի կարեւոր գործընկերը։