Ուկրաինայում պատերազմը վերջ կտա Արեւմուտքի գերիշխանությանը։ Այս մասին գերմանական Tichys Einblick հրատարակությանը տված հարցազրույցում ասել է Հունգարիայի վարչապետ Վիկտոր Օրբանը։
Նրա խոսքով, Ուկրաինայում պատերազմի ավարտից հետո ԵՄ-ն ավելի թույլ կլինի, քան նախկինում, իսկ մյուս երկրներն ու տարածաշրջանները կշահեն։ Նախ՝ Արեւմուտքը չի կարող ռազմական ճանապարհով հաղթել Ուկրաինայի պատերազմում, երկրորդ՝ պատժամիջոցները ոչ մի կերպ չեն ապակայունացրել Ռուսաստանը, երրորդ՝ դրանց վնասը Եվրոպային հսկայական է, եւ չորրորդ՝ աշխարհը հերթ չի կանգնել ԱՄՆ-ի եւ Ուկրաինայի թիկունքում։
Նա նշել է, որ աշխարհի մեծ մասը չի աջակցում Արեւմուտքին։ «Չինաստանը, Հնդկաստանը, Բրազիլիան, Հարավային Աֆրիկան, արաբական աշխարհը, Աֆրիկան... Միանգամայն հնարավոր է, որ կոնկրետ այս պատերազմը ցուցադրաբար վերջ դնի Արեւմուտքի գերակայությանը»:
«Հաղթում են նրանք, ովքեր ունեն էներգիայի սեփական աղբյուրներ։ Ռուսաստանից ԵՄ ներմուծումը կրճատվել է մեկ քառորդով, իսկ «Գազպրոմ»-ի եկամուտները կրկնապատկվել են։ Հաղթեցին չինացիները, որոնք նախկինում արաբների իշխանության տակ էին։ «Եվ, իհարկե, հաղթում են ամերիկյան խոշոր կորպորացիաները»,- ասել է կառավարության ղեկավարը՝ նկատի ունենալով ամերիկյան էներգետիկ ընկերությունների շահույթի կտրուկ աճը։