ՄԱԿ-ի գլխավոր քարտուղար Անտոնիո Գուտերեշը ժամանել է Օդեսա, որտեղ բանակցություններ կվարի Ուկրաինայի եւ Թուրքիայի նախագահների հետ, հաղորդում է CNN-ը։
Գուտերեշն ասել է, որ պարենային ապրանքների համաշխարհային շուկաները սկսում են կայունանալ այն բանից հետո, երբ համաձայնություն է ձեռք բերվել՝ ապահովելու առեւտրային նավերի անվտանգ անցումը Սեւ ծովի նավահանգիստներից։ Գուտերեշն ասել է, որ համաձայնագրի ստորագրումից հետո ցորենի գները նվազել են մինչեւ 8 տոկոսով։ Բայց նա նախազգուշացրել է, որ մատակարարման շղթաները դեռ խաթարված են, իսկ էներգիայի եւ տրանսպորտային ծախսերը բարձր են: