Զապորոժիեի ԱԷԿ մուտք գործելու շուրջ համաձայնության հասնելն արդեն շատ մոտ է, France 24 հեռուստաալիքի եթերում ասել է Ատոմային էներգիայի միջազգային գործակալության գլխավոր տնօրենը։
«Կիեւը եւ Մոսկվան համաձայն են, որ մենք պետք է մի քանի օրվա ընթացքում Զապորոժիե գնանք»,- ասել է նա:
Գրոսին նշել է, որ Զապորոժիեի ԱԷԿ հասնելը չափազանց դժվար է, եւ այդ պատճառով անհրաժեշտ է ապահովել այդ առաքելության անվտանգությունը եւ որոշել դրա բոլոր պայմանները։ Նրա խոսքով՝ ԱԷՄԳ-ի առաքելությունն Զապորոժիե պետք է մեկնի առաջիկա օրերին։
Ավելի վաղ ՄԱԿ-ում Ուկրաինայի մշտական ներկայացուցիչ Սերգեյ Կիսլիցան առաջարկել էր մշտական հիմունքներով ԱԷՄԳ-ի տեսուչների տեղակայել Զապորոժիեի ԱԷԿ-ում, քանի դեռ դրա նկատմամբ վերահսկողությունը չի վերականգնվել։
«Ռոսատոմ»-ի գլխավոր տնօրեն Ալեքսեյ Լիխաչովը եւ Ռաֆայել Գրոսսին քննարկել են նաեւ առաջիկա առաքելությունը եւ Ռուսաստանում եւ Ուկրաինայում միջուկային օբյեկտների անվտանգության ապահովման առաջնահերթ խնդիրները։