2015-ի Իրանի միջուկային համաձայնագրի վերածնունդը «կրիտիկական սխալ է, որը Մերձավոր Արեւելքում միջուկային սպառազինությունների մրցավազքի կհանգեցնի եւ ահաբեկչական հարձակումների նոր ալիք կառաջացնի»: Այս մասին Բեռլինում հետեւողական հանդիպումների ժամանակ հայտարարել է Իսրայելի վարչապետ Յաիր Լապիդը, փոխանցում է Jpost-ը։
«Եկել է Իրանի հետ ձախողված բանակցություններից հրաժարվելու ժամանակը։ Նրանք չեն կարող եւ չեն հասնի այն նպատակներին, որոնք մենք բոլորս ունենք՝ թույլ չտալ Իրանին միջուկային զենք ստանալ»,- ասել է Լապիդը Գերմանիայի կանցլեր Օլաֆ Շոլցի հետ համատեղ մամուլի ասուլիսին։
«Մենք քննարկել ենք Իրանի միջուկային ծրագրի դադարեցման նոր ռազմավարության անհրաժեշտությունը։ Միջուկային Իրանը կապակայունացնի Մերձավոր Արեւելքը եւ միջուկային սպառազինությունների մրցավազքի կհանգեցնի, որը կվտանգի ամբողջ աշխարհը,- ասել է Լապիդը: «Այս պայմաններում միջուկային համաձայնագրին վերադառնալը կրիտիկական սխալ կլինի։ Պատժամիջոցների չեղարկումը եւ հարյուր միլիարդավոր դոլարների ներարկումն Իրան ահաբեկչության ալիք կառաջացնի ոչ միայն Մերձավոր Արեւելքում, այլեւ ամբողջ Եվրոպայում»։
Շոլցը նշել է, որ մոտ ապագայում համաձայնագիրը դժվար թե երկարաձգվի։ «Մենք գիտենք, որ տեսանելի ապագայում դա տեղի չի ունենա, թեեւ որոշ ժամանակ թվում էր, որ դա տեղի կունենա», - ասաց Շոլցը: Շոլցի խոսքով՝ Իրանի կողմից միջուկային զենքի ցանկացած կիրառում կործանարար հետեւանքներ կունենա ամբողջ տարածաշրջանի համար եւ պետք է կանխվի: