ԱՄՆ-ն աջակցում է ՄԱԿ-ի Անվտանգության խորհրդի մշտական եւ ոչ մշտական անդամների թվի ավելացմանը, հայտարարել է ԱՄՆ նախագահ Ջո Բայդենը՝ ելույթ ունենալով ՄԱԿ-ի ԳԱ նստաշրջանի շրջանակում։
«Միացյալ Նահանգներն աջակցում է Խորհրդի ինչպես մշտական, այնպես էլ ոչ մշտական անդամների թվի ավելացմանը։ Սա ներառում է մշտական նստատեղեր այն երկրների համար, որոնց մենք երկար ժամանակ աջակցել ենք։ Ժամանակն է, որ այս հաստատությունը դառնա ավելի ընդգրկուն, որպեսզի մենք կարողանանք ավելի լավ արձագանքել այսօրվա աշխարհի կարիքներին»,-ասել է նա։
Բայդենը հավելել է, որ ՄԱԿ-ի ԱԽ մշտական անդամները պետք է հետեւողականորեն պահպանեն եւ պաշտպանեն ՄԱԿ-ի կանոնադրությունը եւ զերծ մնան վետոյի կիրառումից, բացառությամբ հազվադեպ արտակարգ իրավիճակների։